27 мая 2022 года ў 15:00 у межах арт-праекта «Захавальнікі народных рамёстваў» у Віцебскім абласным метадычным цэнтры народнай творчасці адбудзецца адкрыццё выставы творчай дзейнасці філіяла «Дзісненскі гарадскі Дом рамёстваў» ДУК «Міёрскі Цэнтр культуры і народнай творчасці».
На выставе прадстаўлены вынікі творчай дзейнасці майстроў народных мастацкіх рамёстваў за апошнія некалькі год: святочны традыцыйны касцюм Дзісненшчыны, мастацкая разьба па дрэве; драўляныя свістулькі; лялькі ў строі Дзісненскага рэгіёна, лялькі-абярэгі, кругі-палавічкі (вязанне шыдэлкам); тканыя паясы на дошчачках.
Таксама на выставе можна будзе пабачыць сувенірную прадукцыю: абярэгі: «Конік», «Падкова», лыжкі-сувеніры «Бацькава лыжка» і інш.
Выстава будзе працаваць да 15 чэрвеня 2022 года .