8 верасня 2022 года ў 15.00 у выставачнай зале Віцебскага абласнога метадычнага цэнтра народнай творчасці адбудзецца адкрыццё абласной выставы лапікавага шыцця «Віцебская мазаіка». На выставе прадстаўлена 60 твораў: лапікавыя адзіялы, посцілкі, падушкі, пано, лялькі, дыванкі і інш.
Выстава падрыхтавана па выніках абласной выставы-конкурсу майстроў лапікавага шыцця «Вішнёвая мазаіка», якая прайшла ў межах міжнароднага свята «Вішнёвы фестываль» у г. Глыбокае ў ліпені 2022 года. Конкурс праводзіўся з мэтай захавання і развіцця традыцый лапікавага шыцця Віцебшчыны, папулярызацыі творчасці вядучых майстроў лапікавага шыцця розных рэгіёнаў вобласці.