Рэліквія

З 27 кастрычніка па 16 снежня ў выставачнай зале Віцебскага абласнога метадычнага цэнтра народнай творчасці (вул.Леніна, 35-а) будзе праходзіць выстава артэфактаў з фондаў Дамоў рамёстваў Віцебскай вобласці «Рэліквія».

На выставе будуць прадстаўлены артэфакты этнаграфіі, разнастайныя прадметы побыту і традыцыйных народных рамёстваў: народны жывапіс і абразы, набойка; маляванка; народны дрэварыт (лубок); роспіс па шкле; лакавая мініяцюра; пісанкі, драўляная скульптура, куфры, мастацкая апрацоўка бяросты; бандарства; глухая і скразная разьба (беларуская рэзь); ганчарства, гліняная цацка, кафлярства; кавальства;мастацкая апрацоўка скуры (вырабы традыцыйнага скуранога абутку і рукавіц); шапавальства (валінцы, магеркі ды інш.);прадметы народнага адзення, вышыўка розных тэхнік, ткацтва розных тэхнік, вязанне касцяной іголкай; мастацкая апрацоўка косткі; лозапляценне, спіральнае пляценне з саломы; плецены абутак (лапці, чуні, берасцянікі); выраб музычных інструментаў ды інш.

Калі ёсць пытанні — тэлефануйце: 33-60-47; 42-87-71; 35-91-46.

Час працы: 09:00-18:00 (вых.: нядзеля, панядзелак).
Адрас: вул. Леніна 35А (побач з ГЦ «Пасаж»).