Ох і залатая табакерка

Харэаграфія — Дзіяна Юрчанка

Беларускі тэатр «Лялька» запрашае гледачоў на спектакль па матывах беларускай народнай казкі «Ох і залатая табакерка». Гэта гісторыя пра Янку, які атрымлівае ад таямнічага Оха чароўную табакерку, здольную выконваць любыя жаданні. Разам са сваімі вернымі спадарожнікамі — Катом і Мышшу — герой адпраўляецца ў шлях: людзей паглядзець і сябе паказаць.

Музычныя апавядальнікі ў гульнявой форме шукаюць адказ на пытанне: ці бывае на свеце «лёгкае» шчасце? Янку трэба прайсці праз выпрабаванні, страціць і зноў здабыць табакерку, перамагчы падступства караля і каралевы, каб зразумець галоўнае: сапраўдная сіла хаваецца ва ўласным сэрцы і вернай дружбе.

Аўтар пастаноўкі — заслужаны дзеяч мастацтваў Беларусі, мастацкі кіраўнік тэатра Віктар Клімчук. Спектакль вучыць сумленнасці, працавітасці і таму, што сапраўднае шчасце нельга здабыць падманам ці сілай.

Працягласць: 40–45 хвілін.