Сацыяльна-культурная ўстанова «Віцебск для мяне» запрашае грамадскія арганізацыі і ініцыятывы далучыцца да ўдзелу ў прэміі для актывістаў (-ак) «Грамадскі фуршэт».
«Грамадскі фуршэт» — гэта спосаб сказаць «Вялікі дзякуй!» усім тым, хто зрабіў Віцебск і Віцебскую вобласць лепей у 2018 годзе.
Першы «Грамадскі фуршэт» быў праведзены ўвесну 2018-га году. На ім былі ўзнагароджаныя самыя значныя ініцыятывы і асобы, якія былі заўважаныя ў рэалізацыі грамадсказначных падзей г. Віцебска за 2017-2018 г. У гэтым годзе намінантаў абіраюць па ўсёй Віцебскай вобласці.
Калі вы хочаце намінаваць падзею/ праект/ актывіста (-ку) — запоўніце форму ніжэй і распавядзіце нам пра вартыя ўвагі рэчы ў Віцебску і Віцебскай вобласці.
Заяўкі прымаюцца да 20 сакавіка → https://goo.gl/Fz9skD.
Узнагароджванне пераможцаў адбудзецца 31 сакавіка ў Віцебску.