З Новым годам, добры Гном!

Снягурка просіць Дзеда Мароза прынесці чароўную ялінку. Але ж такія дрэўцы растуць толькі ў казачным лесе, жыхары якога жывуць па сваіх звычках і правілах. Наведайце спектакль «З Новым годам, добры Гном!» і дапамажыце дзядулю дамовіцца з Гномам і парадаваць яго суседзяў.

А вы гатовы адправіцца ў падарожжа? Незвычайнае падарожжа ў нязведаную краіну Гномуляндыю.

Калі так, то хутчэй да нас! Будзе весела, будзем танцаваць! Будзем радасна казку сустракаць!

Бацькі, якія пажадаюць, каб гэты дзень для іх дзяцей стаў сапраўдным цудам, могуць прынесці з сабой падарункі (загадзя падпісаць, перадаць адміністратару). Дзед Мароз і Снягурка ў сваёй рэзідэнцыі ўважліва выслухаюць вершык ці песеньку вашага дзіцяці і ўручаць доўгачаканы прыз.