Шалёны дзень, ці Жаніцьба Фігаро

П’ер Агюстэн дэ Бамаршэ

«Шалёны дзень, ці Жаніцьба Фігаро»

Камедыя становішчаў у 2-х дзеях

Вялікая сцэна

Прэм’ера – 18 ліпеня 2026 года

Колькі ўсяго за адзін дзень можа адбыцца ў іспанскім маёнтку графа Альмавіва? Таемныя спатканні і вытанчаныя падманы, сатырычныя насмешкі і нават суд! І яшчэ вельмі шмат усяго нечаканага, таму што галоўны герой падзей – графскі камердынер, весялун і майстар хітрых інтрыг Фігаро. Сёння ў яго вяселле з чароўнай Сюзанай, але да нявесты заляцаецца сам граф. Каб зберагчы сваё каханне і шчасце, пакараць самадурства і эгаізм, Фігаро гатовы на многае. І паверце, у яго ўсё атрымаецца, бо гэты жартаўнік валодае неверагодна вострым розумам і знаходлівасцю.

Дынамічная і лёгкая, карнавальная камедыя становішчаў «Шалёны дзень, ці Жаніцьба Фігаро» напоўнена спевамі і танцамі, запамінальнымі характарнымі вобразамі і яркімі маскараднымі касцюмамі. Спектакль дакладна прынясе радасць гледачам і яшчэ раз пацвердзіць, што галоўная каштоўнасць ва ўсе часы – гэта каханне.

Пастановачная група:

• Пастаноўка, сцэнічная рэдакцыя п’есы, музычнае афармленне: Віктар ЧЭПЕЛЕЎ, заслужаны артыст Рэспублікі Беларусь
• Сцэнаграфія: Наталля САРЫЧАВА
• Касцюмы: Таццяна ЛІСАВЕНКА
• Мастак па святле: Марк КАСТЫРАЧЭНКА
• Пластыка і харэаграфія: Дзіяна ЮРЧАНКА
• Пераклад п’есы на беларускую мову: Алена ТРАЦЭНКА