Фуршэт пасля прэм'еры

Пластыка і харэаграфія: Ульяна Ацясава.

Усё адбываецца ў тэатры, пасля фіналу класічнай шэкспіраўскай п’есы Атэла. Класічныя рэплікі герояў, яркія касцюмы эпохі Адраджэння, моцныя рукі маўра, які душыць сваю Дэздэмону... А пасля паклону пачынаецца самае цікавае.

Акцёры збіраюцца на фуршэт, рэжысёр каментуе створаныя імі вобразы... Але куды падзелася галоўная гераіня? У спектаклі пераплятаюцца саркастычная камедыя і дэтэктыўная гісторыя. Нечаканы сюжэт напаўняецца анекдатычнымі сітуацыямі і вострымі жартамі, раскрываюцца інтрыгі закулісся. У гледачоў ёсць магчымасць убачыць, да чаго прыводзяць таемныя тэатральныя адносіны і дамоўленасці, і зразумець, што акцёры — таксама, як кажуць, жывыя людзі.

Спектакль, які расказвае пра недахоп любові і ўзаемаразумення, падкупляе сучасным разуменнем сітуацыі, калі героі жадаюць любымі сродкамі дасягнуць сваёй мэты.

П’еса Валянцін Краснагораў Фуршэт пасля прэм’еры больш за 20 гадоў з поспехам ідзе на падмостках тэатраў бліжняга і далёкага замежжа.

У спектаклі занятыя:

• Юрась Цвірка, уладальнік медаля Францыска Скарыны (Атэла);
• Яўген Бераснеў (Яга);
• Уладзіслаў Ядройцаў (Касіа);
• Дзмітрый Філімоненкаў (Ладавіка);
• Таццяна Ліхачова, заслужаная артыстка Рэспублікі Беларусь (Дэздэмона);
• Алена Шарэпчанка (Эмілія);
• Вікторыя Шамардзіна (Б’янка).