Міжнародны дзень тэатра. Iнтэрв’ю з Алесем Замкоўскім

Вы не сапраўдны віцябчанін, калі ні разу не былі ў віцебскім тэатры. Бо гэта значная частка культурнага жыцця нашага горада, якую проста немагчыма ігнараваць.

І да Міжнароднага дня тэатра, які адзначаецца 27 сакавіка, мы вырашылі пагутарыць з Аляксандрам Замкоўскім ці, як усе яго ведаюць, Алесем Замкоўскім, які ўжо 10 год працуе ў Нацыянальным акадэмічным драматычным тэатры імя Якуба Коласа. Зараз ён з’яўляецца вядучым рэдактарам і фактычным кіраўніком літаратурна-драматургічнай часткі.

У чым заключаецца мая спецыфіка работы?

Уся друкаваная прадукцыя (афішы, праграмкі, анатацыі, п’есы) праходзіць праз літаратурную частку, непасрэдна праз мяне. Адным з галоўных кірункаў, канешне, з’яўляецца праца з рэпертуарам тэатра, стварэнне планаў, абмеркаванне. Таксама я з’яўляюся сакратаром мастацкага савета тэатра, дзе абмяркоўваюцца пастаўленыя спектаклі, фестывальная дзейнасць, будучыя планы. Займаюся ўсімі сацыяльнымі сеткамі і сайтам тэатра. Працуем разам з тэатразнаўцам і літаратурным рэдактарам Юрыем Генадзьевічам Іваноўскім. Таксама мы, вядома, сочым за мовай артыстаў. Стараемся, каб са сцэны гучала беларуская жывая мова, імкнёмся гэта ўсё падтрымліваць.

Потым была ўжо мая арыгінальная п’еса «Чароўны хлопчык» па матывах беларускіх казак. Праз беларускія, міфалагічныя вобразы была расказана гісторыя пра хлопчыка, які шукае сваё месца ў жыцці. А апошняя п’еса, якая і зараз актыўна ідзе ў рэпертуары тэатра, — гэта «Дванаццаць месяцаў» паводле Самуіла Маршака.

Натхненне бярэцца або з іншых твораў, або з тэатральнага жыцця. Бо тэатр напоўнены натхненнем. Калі ўспрымаць гэта не як штодзённую працу, а прыходзіць з жаданнем ствараць тое, што можа прынесці людзям новыя адчуванні і пачуцці, прымусіць іх задумацца, накіраваць на яркія эмоцыі, то тады і натхненне прыходзіць само сабой.

Ствараецца макет сцэнаграфіі спектакля, які робіць мастак-пастаноўшчык. Усё абмяркоўваецца на тэхнічным савеце тэатра. Потым першая чытка п'есы, абмеркаванне з акцёрамі, шыюцца касцюмы, адбываюцца рэпетыцыі. На ўсё патрэбна адзін-два месяцы, у залежнасці ад складанасці п'есы, занятасці артыстаў.

Потым робіцца прымерка касцюмаў, агляд дэкарацый. Пачынаюцца прагоны, светлавое афармленне, музычнае. Усё гэта ідзе агульным працэсам, пастаянна змяняецца, удакладняецца. І ўжо пасля апошніх прагонаў, адбываецца пасяджэнне мастацкага савета, які ў выніку вырашае, прымаць спектакль ці не. Ну і апошні этап ужо — прэм’ера для гледачоў.

Са школьнага тэатра прыйшлі многія артысты нашага тэатра. У Віцебску нацыянальны тэатр дае магчымасці школьнікам ужо з 1 класа наведваць тэатр, трапляць на тэатральныя ўрокі, дзіцячыя спектаклі. Людзі, якія натхняюцца тэатрам і хочуць далучыцца да яго, ідуць потым у школьныя тэатры. І такія конкурсы пацвярджаюць, што гэта правільны ход. Многія дзеці пасля гэтага фестывалю паступаюць у каледж культуры і мастацтваў.

Я лічу, што вельмі важна ствараць у горадзе атмасферу адчування тэатральнага жыцця. Калі не выхоўваць гледачоў з самага пачатку, то будзе вельмі цяжка прывабіць у сённяшнім свеце да жывой творчасці, бо інтэрнэт і тэлебачанне шмат уздзейнічаюць на дзяцей. І, канешне, не ўсе гатовыя прыйсці і адсядзець 2 гадзіны ў зале. Для гэтага трэба час і разуменне тэатра, бо жывы тэатр і тэатр у запісу — гэта зусім розныя рэчы.

Я лічу, што тэатр на сёння мае магчымасць ахапіць усе асаблівасці і магчымасці гледачоў. Усё гэта пастаянна развіваецца: ёсць і эксперыментальныя спектаклі на камернай сцэне, і музычна-паэтычныя вечары, і трагічныя пастаноўкі, і пастаноўкі паводле класікі (напрыклад, «Вытанчаны падман»). Важна імкнуцца ахопліваць усіх, разнастайна прывабліваць аўдыторыю.

Зараз тэатр на ўздыме маладых артыстаў. Без дапамогі дарослага пакалення яны, канешне, не змогуць дасягнуць таго вышэйшага ўзроўню, але якраз моладзь на сёння з’яўляецца авангардам нашага тэатра.

Тэатр перажыў перыяд пандэміі спакойна. Канешне, было менш гледачоў, але мы паказалі за час пандэміі многа спектакляў у сацсетках у запісу, мiнулагоднiх спектакляў, і гэтым утрымалі аўдыторыю.

Нашли опечатку? Выделите фрагмент текста с опечаткой и нажмите Ctrl + Enter. Хотите поделиться тем, что произошло в Витебске? Напишите в наш телеграм-бот. Это анонимно и быстро.