Пятнічны тэст па легендах і паданнях Беларусі

1. Самая папулярная і прывабная легенда, якую ведае кожны. Шэкспіраўская трагедыя з Беларусі, у цэнтры якой двое закаханых. Помслівая матка жаніха атруціла нявестку, але кароль не змог змірыцца са стратай і паспрабаваў выклікаць дух жонкі. Адна ўмова — каралю нельга было дакранацца да духа, што ён не змог выканаць. І цяпер няшчасная жанчына не можа вярнуцца ў свет мёртвых і ўсё яшчэ блукае па адным з вядомых замкаў Беларусі. Што гэта за легенда?

2. Гавораць, гэты замак меў больш за 100 пакояў, а ў адным з іх была шкляная падлога, а пад шклом плавалі сапраўдныя рыбкі! А яшчэ быў леў-вартаўнік, якога выпускалі гуляць начамі па калідорах.

3. Яшчэ адна трагічная гісторыя кахання, якая дала назву аднаму з гарадоў Беларусі. Машэка — мужны і моцны асілак, заўсёды быў добрым і шчырым хлопцам, але здрада каханай дзяўчыны Наталькі, якая збегла да пана, зрабіла з яго злоснага і помслівага забойцу. Збегшы ў лес, ён забіваў любога, хто патрапіў на яго шлях. І вось, калі лёс зноў звёў яго з каханай, скончылася гiсторыя трагічна. Наталька забіла асілка, пакуль той спаў. Машэку пахавалі на высокім берагу ракі, насыпалі курган і далі яму асаблівую назву… Пра які горад ідзе гаворка?

4. А як наконт віцебскіх легенд? Там, дзе сёння стаіць помнік П.М. Машэраву, была Замкавая гара, з якой звязана адна легенда пра…

5. А вы ведаеце, чаму князя Усяслава (аднаго з самых таленавітых Полацкіх князёў) празвалі Чарадзеем?

6. Гэтай жывёліне надавалі вялікае значэнне. Раней іх трымалі замест кошак і ўспрымалі, як звычайных дамашніх жывёл. Крыўдзіць іх было вялікім грахом. Калі ў хаце ёсць гэта жывёла, тады і дастатак будзе. Пра каго ідзе гаворка?

7. Многа легенд было пра магутны род Радзівілаў. Здагадайцеся, якая з іх сапраўды існавала сярод людзей, а якія прыдумалі мы. Гавораць, што ў замку Радзівілаў можна было знайсці…

8. Пра паходжанне гэтага возера ёсць многа варыянтаў. Адна з легенд расказвае пра люстэрка, якое хлопец падарыў дачцэ лесніка. Аднойчы багаты стары пан захацеў скрасці дзяўчынку. Храбры хлопец абараніў каханую і пусціўся на кане, каб збіць пагоню. Доўга чакала прыгажуня і ад роспачы выпусціла люстэрка з рук…

9. Гэты замак — адзін з жудасных і таямнічых на нашай зямлі. Ёсць дзве легенды, у якіх двух чалавек жыўцом замуравалі ў сцены. Першым з іх быў хлопец, які закахаўся ў князёўну, але злы бацька дзяўчынкі жорстка пакараў яго. Другой стала жонка аднаго з будаўнікoў, якую замуравалі ў бурыя муры ў якасці ахвяры.

10. Бог даў чалавеку два мяхі с гадамі, і загадаў яму ні ў якім разе не зазіраць унутр. Але цікаўны чалавек не стрымаў загад, з-за чаго ўсе гады распаўзіліся па ўсёй зямлі. Бог пакараў непаслухмянага і ператварыў яго ў птушку, якая павінна з таго часу ачышчаць зямлю ад змей, жаб, вужоў і насякомых. Аб кім ідзе гаворка?