Незагойная рана

Мероприятие уже прошло
Плюсануть
Поделиться
Отправить
Класснуть

Паводле твораў «Незагойная рана» Васіля Быкава, Memento mori Янка Брыль, «Балада смяротнікаў» Уладзіміра Караткевіча. Споведзь.

Прысвячаецца падзеям Вялікай Айчыннай вайны, пакутам, якія давялося вынесці беларускаму народу ў часы чорнай навалы.

Монаспектакль складаецца з трох навел.

Першая — «Незагойная рана» паводле апавядання народнага пісьменніка Беларусі Васіля Быкава. Страшная трагедыя беларускага народа падаецца праз прызму ўспрыняцця простай вясковай кабеты Тэклі, якая згубіла свайго сына-салдата.

Другая — Memento mori паводле аднайменнага апавядання Янкі Брыля, які адным з першых у беларускай літаратуры ўзняў тэму «вогненных» вёсак. Іх гора яшчэ раз нагадвае пра жудасную трагедыю Хатыні.

Трэцяя — «Балада смяротнікаў» Уладзіміра Караткевіча. Гэта свайго споведзь і разам з тым абвінавачванне вязняў лагера смерці.

Ідэя, інсцэніроўка, пастаноўка і музычнае афармленне Зінаіды Гурбо. Мастак-пастаноўшчык Андрэй Жыгур.

У галоўнай ролі — Зінаіда Гурбо.

Працягласць спектакля — 1 гадзіна 20 хвілін.

Фотаздымак: kolastheatre.by

Чтобы комментировать, .