Арт-рэгіён – 2

26 студзеня а 16-й гадзіне ў выставачнай зале на Белабародава, 5 адбудзецца адкрыццё справаздачнай выставы віцебскай абласной арганізацыі Беларускага саюза мастакоў «Арт-рэгіён – 2».

Гэта зборная выстава, экспазіцыя якой налічвае каля 80 твораў розных жанраў: ад жывапісу і графікі да скульптуры і арт-аб’ектаў. Аўтарамі твораў выступаюць як вядомыя і прызнаныя віцебскія майстры, так і маладыя творцы, якія толькі рыхтуюцца да ўступлення ў Беларускі саюз мастакоў.

Выстава працягнецца да 10 сакавіка ўключна.