Беларускі плакат: візуальны код часу

Плюсануть
Поделиться
Отправить
Класснуть

02.05.2017 г. ў выставачнай зале Фрунзэ, 11 (музычная гасцеўня) Віцебскага цэнтра сучаснага мастацтва у 17:00 адбудзецца адкрыццё выставы Беларускага саюза дызайнераў «Беларускі плакат: візуальны код часу».

Для праекта ёсць дзве нагоды — па-першае, трыццацігоддзе Беларускага саюза дызайнераў, творчага саюза, які аб’ядноўвае больш за 600 спецыялістаў у вобласці дызайна ўсіх напрамкаў (прамысловы, графічны, фэшн-дызайн, дызайн інтэр’ераў, віртуальнага асяродку, фотаграфіка, арт-менеджмент і педагогіка). І плакат — адна з найбольш відавочных і выніковых праяў дызайн-дзейнасці ў Беларусі.

Па-другое, выстава — гэта запланаваная частка буйнамасштабнага доўгатэрміновага праекта па захаванню спадчыны беларускага плаката, вынікам якога стане стварэнне лічбавага архіву, сайту і альбома-каталога.

На выставе будзе прадстаўлена больш за пяцьдзесят плакатаў розных часоў, выкананых беларускімі аўтарамі, пачынаючы з малавядомых шэдэўраў даваеннага перыяду да твораў У. Цэслера, В. Войчанкі, А. Кітаевай, Д. Сурскага, Т. Гардашнікавай , Р. Найдзена, Ю. Тарэева і іншых знакамітых аўтараў, а таксама плакаты студэнтаў Віцебскага Дзяржаўнага Тэхналагічнага Універсітэта.

Мастацкі твор, крыніца інфармацыі, гістарычны дакумент — беларускі плакат між іншых відаў мастацтва заслугоўвае асаблівай увагі. Ён, як нацыянальная мастацкая з’ява — найбольш вядомы і прызнаны па-замежамі нашай краіны, дзякуючы перамогам у прэстыжных міжнародных конкурсах і біенале. Беларускія плакаты знаходзіцца ў буйнейшых музеях і калекцыях Свету (музей плаката ў Вілануве (Варшава, Польша), Мараўскай галерэі (Брно, Чэхія), Луўры (Парыж, Францыя), музеі плаката ў г. Лахці (Фінляндыя), музеі плаката ў г. Таяма, Осака (Японія), Смітсанаўскім інстытуце (ЗША) і інш.). Пры гэтым у Беларусі для многіх плакат застаецца своеасаблівай terra incognita. У свеце гэтай відавочнай несправядлівасці, варта наўпрост прыйсці і пераканацца ў значнасці і прыгажосці гэтага віда мастацтва, вартага мець і на радзіме ўласны музей.

Выстава працягнецца да 17.05.2017 г.

Ctrl + Enter Можно перетащить
Двина 0,80 − 1,50 р
до 31 июля
Ратуша 0,80 − 1,50 р