Дызайн – працяг традыцый

15 кастрычніка ў 15.00 гадзін у выставачнай зале дзяржаўнай установы «Віцебскі абласны метадычны цэнтр народнай творчасці» адбудзецца адкрыццё выставы-продажу сувеніраў «Дызайн — працяг традыцый».

На выставе будуць прадстаўлены сувенірныя вырабы дэкаратыўна-прыкладнога мастацтва, у якіх адлюстраваны нацыянальныя традыцыі і рэгіянальныя асаблівасці тых ці іншых вырабаў, распаўсюджаных на тэрыторыі паўночнага краю. Вырабы выкананы з прыродных і штучных матэрыялаў, некаторыя ўяўляюць сабой цэлыя кампазіцыі і інсталяцыі. Яркія і самабытныя сувеніры выраблены ў розных тэхніках: саломапляценне, лозапляценне, разьба па дрэве, кераміка і ганчарства, ткацтва, роспіс па тканіне і шкле, выцінанка, апрацоўка скуры і многія іншыя.

Запрашаем жыхароў і гасцей Віцебска да прагляду і пакупак незвычайных і прыцягальных сувеніраў. Выстава будзе экспанавацца да 11 лістапада.