У роднай хатцы на Паазер’і

Открытие выставки-конкурса с презентациями и мастер-классами состоится 14 ноября в 15:00.

У мэтах адраджэння вырабу і папулярызацыі вытворчасці побытавых рукатворных рэчаў з лакальнымі і рэгіянальнымі адметнасцямі вясковага і местачковага інтэр’ернага тэкстылю Віцебшчыны быў распрацаваны праект «У роднай хатцы».

У 2023 годзе завяршылася першая частка праекта, якая паказала сучасны стан аднаўлення вырабу традыцыйнага мастацкага тэкстылю на Віцебшчыне. За гэты час у выставачных залах ДУ «Віцебскі абласны метадычны цэнтр народнай творчасці» было праведзена чатыры абласныя выставы-конкурсы па вясковаму і местачковаму інтэр’ернаму тэкстылю Віцебшчыны (ручное ўзорыстае ткацтва на кроснах, пляценне, вязанне, вышыўка, шыццё з абрэзкаў тэкстылю, набойка, маляванка і інш.) з правядзеннем майстар-класаў.

На працягу 2024 года праходзіць творчае спаборніцтва паміж калектывамі Дамоў (Цэнтраў) рамёстваў, студыямі (клубамі) майстроў народных мастацкіх рамёстваў па стварэнні экспазіцыйнай прасторы мясцовай вясковай хаты з дэманстрацыяй лепшых твораў інтэр’ернага тэкстылю трох гісторыка-этнаграфічных зон Віцебскай вобласці: Віцебскае Падзвінне, Падняпроўе і Паазер’е.

Абласная выстава-конкурс па рэгіянальнаму інтэр’ернаму тэкстылю «У роднай хатцы на Паазер’і» завяршае двухгадовы праект «У роднай хатцы»,
але развіццё вытворчасці традыцыйнага тэкстылю на Віцебшчыне будзе ісці наперад і далей.