Марозка

Акцёры

• Юрась Франкоў (Марозка, Стары).
• Алег Рыхтэр (Марозка, Стары).
• Марыя Кавалёва (Старая).
• Кацярына Абрамовіч (Старая).
• Вольга Лазебная (Пашачка, Зайчык).
• Вольга Маханькова (Дашачка, Зайчык).
• Ганна Сцепанец (Дашачка, Зайчык).
• Аляксандра Бурдзілоўская (Ліса).
• Дар'я Корзік (Ліса).
• Валерый Зімніцкі (Сабака, Мядзведзь).

Бесхарактарны дзед, злая мачаха, гультайка Паша і працаўніца Даша, справядлівы Марозка... Хто іх не ведае? Казка з падобнымі героямі і сюжэтам прысутнічае ў фальклорнай традыцыі многіх народаў.

У спектаклі тэатра "Лялька" не знаходзіцца месца жорсткасці і злосці. І Марозка, у адрозненне ад свайго літаратурнага прататыпу, не забівае Пашачку. Аднак гледачу становіцца відавочным, што дзяўчынка пакарала сябе сама. Як і яе маці, што ўзрасціла дачушку ганарлівай і капрызнай. Затое Даша атрымлівае заслужаную ўзнагароду за дабрыню і працавітасць.