Дакрануцца да спадчыны душой

Мероприятие уже прошло

Вусныя традыцыі і звычаі, выканальніцкія мастацтвы і традыцыйныя рамёствы, абрады і святы, веды і навыкі, кулінарыя і многае іншае з'яўляюцца прадметам гонару беларусаў і неад'емнай часткай нацыянальнай ідэнтычнасці.

Міністэрства культуры Рэспублікі Беларусь і Рэспубліканскі цэнтр нацыянальных культур у рамках мерапрыемстваў, прысвечаных 20-годдзю Канвенцыі ЮНЕСКА аб ахове нематэрыяльнай культурнай спадчыны, падрыхтавалі фотавыставу «Дакрануцца да спадчыны душой. Нематэрыяльная культурная спадчына Беларусі».

У галерэі 1-га паверха Віцебскай абласной бібліятэкі 25 стэндаў знаёмяць наведвальнікаў з унікальным культурным набыткам беларусаў, які фармаваўся стагоддзямі і адлюстроўвае гісторыю, каштоўнасці і дух народа.