Тэсты для дарослых

26 кастрычніка, 19:00, – камедыя «Тэсты для дарослых» па п’есе харвацкага драматурга Міра Гаўрана «Не да смеху».

Спектакль прапануе іранічную і адкрытую размову на класічную тэму – як захаваць каханне і павагу ў сям’і.

Падчас спектакля глядач стане саўдзельнікам працэсу першаснай тэрапіі, пройдзе папулярныя псіхалагічныя тэсты і адчуе сябе часткай гэтай парадаксальнай гісторыі.

«Тэсты для дарослых» – тэрыторыя, дзе і акцёры, і гледачы змогуць не баяцца быць сапраўднымі, не заганяць сябе ў рамкі, а ў агульным патоку энергіі пражываць пачуцці, што ўзнікаюць у моманце, тут і зараз.

Калі вы гатовы да нечаканых псіхалагічных адкрыццяў і да размовы з гумарам на сур’ёзную тэму адносін, прыходзьце і праходзьце «Тэсты для дарослых» у выкананні артыстаў Рэспубліканскага тэатра беларускай драматургіі.

Пастаноўка, пераклад і музычнае афармленне Святланы Навуменка. Сцэнограф і мастак па касцюмах Юрый Саламонаў. Харэограф Дзіяна Юрчанка. Мастак па святле Сямён Давыдзенка.

Ролі выконваюць: Андрэй Дабравольскі (Барыс), Ганна Анісенка (Міа), Наталля Халадовіч (Ніна).

Прэм’ера спектакля адбылася ў кастрычніку 2022 года.

Працягласць – 1 гадзіна 40 хвілін без антракту. Узроставыя рэкамендацыі – 16+. Спектакль ідзе на беларускай мове.