Віцебск у мініяцюры

З 14 чэрвеня па 6 ліпеня 2024 года ў Віцебскім абласным метадычным цэнтры народнай творчасці будзе праходзіць абласная выстава-конкурс дэкаратыўна-прыкладнога мастацтва ”Віцебск у мініяцюры“, прысвечаная 1050-годдзю Віцебска.

На выставе можна пабачыць вырабы дэкаратыўна-прыкладнога мастацтва, якія захоўваюць традыцыйны характар і маюць індывідуальны почырк мастака альбо майстра; вырабы з прыроднага альбо штучнага матэрыялаў, кампазіцыі і інсталяцыі, выкананыя ў розных тэхніках: жывапіс, графіка, ”маляванка“, батык, вырабы з саломкі і лазы, інкрустацыя, пісанка, разьба па дрэве, кераміка і ганчарства, кавальства, вязанне, вышыўка, валянне, ткацтва, роспіс, выцінанка, лапікавае шыццё, скураныя вырабы і іншае.

Падчас адкрыцця выставы адбудзецца прэзентацыя каталога “Акварэлі Ніны Федарыставай”.

Час правядзення: 14 чэрвеня - 6 ліпеня 2024
Адкрыццё: 15:00 гадзін.
Кошт: 1,60 руб.
Адрас: г.Віцебск, вул.Леніна, 35А
Тэлефон для даведак: 26-29-40, 26-29-58