На абласной выставе-конкурсе па рэгіянальнаму інтэр’ернаму тэкстылю ”У роднай хатцы на Віцебскім Падзвінні“ ў межах праекта ”У роднай хатцы“ будуць экспанавацца традыцыйныя побытавыя рукатворныя рэчы, створаныя за апошнія 5 год майстрамі народных мастацкіх рамёстваў з дамоў (цэнтраў) рамёстваў Віцебскай вобласці па асобным асартыментным групам ва ўсіх мясцовых відах тэхнік вырабу і аздаблення тэкстылю: ручное узорыстае ткацтва на кроснах, пляценне, вязанне, вышыўка, шыццё з абрэзкаў тэкстылю, набойка, маляванка і інш.
Спаборніцтва будзе праходзіць паміж калектывамі дамоў (цэнтраў) рамёстваў, студыямі (клубамі) майстроў народных мастацкіх рамёстваў па стварэнні экспазіцыйнай прасторы мясцовай вясковай ці местачковай хаты з дэманстрацыяй лепшых твораў інтэр’ернага тэкстылю гісторыка-этнаграфічнай зоны Віцебскае Падзвінне.